البلفون عند مين الليلة؟ 📱
بيوم بتيجي أنسام ومرح مسخسخات ضحك 😄
بنقول لهم شو صاير؟
قالوا: وقفنا باب غرفة “#” وكملوا بهمس: “بدنا نشوف وين جهاز التنصت”
قلنا: طيب؟ 😳
قالوا: عرفنا إنه الجوال رح يكون اليوم بغرفة “11”!!!
احنا: ياااا علينا، لا إله إلا الله. 😱
بعد ساعة …
السجانة بتنادي: “خبوص بحِدر آحد عسرة” تفتيش بغرفة 11. 😲
صرنا نلطم.
الوضع ما وقف هون، صارت النهفة والسؤال عن الجوال تنتقل من غرفة لغرفة.
كل ما يفقدوا البنات التفتيش ويشتاقوا لجولة بالساحة برا الغرف خاصة بالليل؛ يسألوا عن الجوال، وما نلاقي إلا تفتيش 
غرفة “10” وغرفة “11” ينادوا بعض ويسألوا عن الجهاز والشاحن 
كانوا اختصاص.
يعني ممكن تقدم هدية لغرفة سواء عن حب أو جكارة؛ تفتيش بنكهة البحث عن جوال 😎
النتيجة إنه إدارة السجن اقتنعت تمامًا إنه في جهاز بالقسم، “سلموا الجهاز بنركب لكم تلفونات”! 🤨
واحنا القسم النملة بتدخلش بدون ما كل الدامون يعرف!
دامت الحياة بنكهة الطرافة.
وأسعد الله أوقاتكم بكل خير 💐
