عام

كذبة الطابور ⏳

Views: 457

مين ما جرب يدخل بنك ويقطع رقم ويقعد على كرسي الانتظار؟
وممكن منكم لاحظ إنه الرقم مالوش قيمة، القيمة للعلاقات والواسطة والفهلوة!
بدخل س قريب فلان في البنك بتلاقيه ع الشباك وانت الك نص ساعة!
بتدخل بنت بضحكة وشوية ثقة بتهمس للموظف وبتتسلك وانت قاعد!
شاب بشوية فهلوة كمان بمر قدامك وانت قاعد بتراقب هالرقم الي مش ماشي!

وبهيك الي بيجي بالآخر بتسلك أولًا وانت محترم وقاعد بمكانك، حتى لو رفعت صوتك واحتجيت برضو الموظف ببرر وبكمل ع المنوال!

هذا في علم البيانات بشبه شي اسمه stack بمعنى المكدسة:
الي بدخل بالآخر بطلع بالأول = Last in first out) LIFO)
وبهيك بتضمن إنك والي قاعدين ع الكراسي تتكدسوا وتندحشوا ساعة زمن بلا أي احترام!

أما النظام المحترم الي يحفظ حقك بالدور اسمه queue بمعنى طابور:
الي بدخل بالأول بطلع بالأول = First in first out) FIFO)

في البنوك إجمالًا آخر همهم إنجاز أكبر عدد من المعاملات بأقل وقت ممكن، بينما الواحد منهم حريص جدا ع قرابته واصحابه!
بعدين برفعوا شعار: الزبون على حق، وهذه أكبر كذبة.
جربت 3 بنوك وكلها نفس النسخة بقلة الذوق.
إذا دماغ النظام غلط، كل مخرجاته غلط.

وسعيدة أوقاتكم 🌺

Comments: 0

Your email address will not be published. Required fields are marked with *