من ذكريات العدد 🙃

كنت في العادة أصحى مع أول نداء ع السماعة واحنا في العادة لو جهزنا بنرجع ع الفراش ننتظر ع أمل نكسب دقيقتين نوم 😅

على كل كان في 5 أو 6 ساعات من صلاة الفجر حتى الساعة 10:00 أشغال شاقة، بتتعلم معها كيف تبقى في موود النوم رغما عن كل الظروف، برنامجهن:
قوم صلي نام .. ع 4 أو 5
قوم عدد نام .. ع 6
قوم رياضة يا بتقوم يا بتنام .. ع 7
قوم تفتيش ويا بترد تنام يا بتفطر .. ع 8
قوم فورة ويا بتطلع يا بتنام يا إنت وعقلاتك في هالنهار .. ع 9 ..
بتدخل ع 10 عدد ويا برضو بتنام يا بتشغل حالك ترى عندك 3 ساعات لل1 محرزات 😁

طبعا هذا ما بيعني إنك في الليل ممكن تكون نمت منيح لأنه ممكن تصحى ع مصيبة صايرة في القسم .. حالة طواريء أو تفتيش ..

وغرفتنا كانت إذا نامت بدري بنعرف إنه في مصيبة رح تصير بالليل، كابوسنا كان النوم البدري ..

والحمد لله رب العالمين