عام

امنح أولادك أسماء ذات معنى

Views: 107
في اليوم العالمي لللغة العربية؛ سموا أولادكو وبناتكو أسماء عربية الها معنى ويخلف عليكو. 👍
من باب البر بالأولاد ومن باب الاعتزز بالهوية العربية.
لشو أسماء الممثلات والمغنيات التركيات والأجنبيات؟ 🤔
وبلاش شغلة ترقيع المعنى للاسم 🙃 لأنه نوع من التخبيص.
عنا معاجم عربية تحفة مش محتاجين نستورد ونرقع 🙄
وسعيدة أوقاتكم 🌺

عقلي: إنتِ مش حكيتي رح تبطلي تعليق، شو دخلك بالأسماء؟ 🤔
أنا: آه والله .. مقتنعة إنه الناس حرة تسمي الي بدها اياه، فش إشي بجبرها، وإنه شو دخلني، كاتولي وإلا كاترين والا إيلين والا ماري، شو يعني بدون معنى.
لكن لما تأملت انتبهت إنه الدين (الإسلام) دين برسخ الغاية، فكل شي له هدف، وغاية ورسالة، حتى لما بكتب وبشارك رأيي لازم يكون في هدف، ع الأقل أنا هيك 😊
لما إنت بتسمي ابنك أو بنتك اسم له صفة جميلة ومبنى جميل؛ مع الوقت رح يحاول ابنك يتصف بالصفات الي بحملها اسمه.
بتصير المعادلة:
لغة أصيلة + صفة هادفة + معنى جميل >>> يؤثر على السلوك
هيك بتبني إنسان، نفسيًا وثقافيًا.
بتكسب اللغة، والدين، والتربية 😁 3*1
عقلي: تبرير!
أنا: لا .. توضيح وتفكير، وبحاول ما أتدخل لكن بطرح رأي غير ملزم، وبحاول ما أتفلسف 😎
والحمد لله على نعمة الاسم الجميل المميز
وعطلة أسبوع سعيدة 🌺

 

Comments: 0

Your email address will not be published. Required fields are marked with *