تجربة – مشاريع
جربت العمل في مشروع ما حبيت فكرته لأن رغبتي وشغفي كان في مكان ثاني، وكانت نفسي تنازعني، وتوسوس لي؛ مرة كيف رح أمشي مع ناس ممكن عندهم موقف سياسي مختلف تجاه قضية مثل سوريا أو مصر، ومرة إنه جدوى المشروع الآخر أكبر. 
قبل الابتداء يبدو كل شيء صعبًا، لأني ما جربت والتجربة هي الي بتحكم، علمتني التجربة إنه ممكن كل شي يتوارى ويصير همنا هو الشي الي جمعنا، أما الاختلافات الخاصة فتختفي ولا تظهر، ممكن لأنه تركيزنا كان بمجال ما بسمح لظهور هذه المسائل.
وإنه ممكن ما تحب مشروع ولا فكرة لكن تكون جزء من تكوينها ونجاحها كمان.
وحبك لفكرة ما بكفي حتى تنفذها، لأنه اليوم الكلمة للنفوذ 
وفي المشاريع ما بتنفع السرعة ولا بتشفع، الأحسن هو السير على خطى الأبطأ، لكن هذا الأبطأ ممكن يقتلك وممكن فقط يخفف من استعجالك، وجربت النوعين 
المهم الدنيا فيها متسع إنه الواحد يتحرر شوية من قوالبه، ويجرب، ويحاول وما يظل واقف مكانه.
والا شو رأيكم؟ 
ودمتم بخير 
