ليش رفع سن الزواج؟
ليش رفع سن الزواج حتى إتمام 18 سنة يعني داخل بـ19 بينما علاقات “الزنا” في الدول الي جاي منها سيداو والي بتمول أغلبية مشاريع البلد العمر فيها من 14 سنة؟!
يعني مسموح الزنا للسن الصغير ولكن عنا بيصير اسمه “زواج مبكر”! سبحان الله 
هل الفكرة إتاحة العلاقات المحرمة بينما تحمل مسؤولية بيت لا؟
لما بقلك زواج مبكر ببرروه بقصة البنية الجسدية مش بالعقل والثقافة، بالتالي هل البنت الأوروبية جاهزة لعلاقة حرام، بينما العربية والمسلمة ما بتقدر والا العلة عندهم عقد الزواج؟ لأنه في منهم فعلا بشوفوا عقد الزواج عقد تملك وبشوفوه نقيض الحرية!
الزنا مسموح بالتراضي:14 سنة: النمسا وبلغاريا واستونيا وألمانيا وهنغاريا وإيطاليا والبرتغال.
15 سنة: بولندا وجمهورية التشيك ورومانيا وسلوفاكيا وسلوفينيا والسويد وكرواتيا واليونان.
16 سنة: لجيكا وليتوانيا ولاتفيا وهولندا والمملكة المتحدة وإسبانيا وفنلندا ولكسمبرغ.
17 سنة: قبرص وإيرلندا.
الزواج وبناء الأسرة بغض النظر 14 أو 20 أو 30 أو 40 الفكرة في إدارة منزل وتحمل مسؤولية بالتزام علاقة تحت تشريع يحفظ حقوق كافة أفراد الأسرة، وضمن احتضان المجتمع ورعاية للأسرة، عملية تنظيم فلا تختلط الأنساب.
شو الفكرة من قانون إلزام دخول سن 19 لعقد الزواج؟ علما الناس بتزوج أولادها الآن برفع كتاب للقاضي وبدون عقد فقط بإتمام شروط العقد!
ليش اللف والدوران؟ 
احنا بدل ما نروح نطالب بقانون يمنع التعاطي بالخمر ويمنع البارات في الفنادق، ويمنع بيوت الدعارة، ويمنع الكازينوهات، بنغيب عقولنا وبنصير نقول زواج مبكر، والمساواة المطلقة!
الزواج ما رح يخرب مجتمعنا، لكن الخمر وبيوت الدعارة بتخرب كل المجتمع وبتضيع المستقبل.
عشان هيك، خلينا دايما ننقد الأفكار وما نمررها مرور الكرام، ونناقشها مع أولادنا وبناتنا، وما نسمح لحد يمرر هيك أفكار مسمومة، ونتحرك ضد هالقوانين الهدامة.
ودمتم سالمين 
