احترام الأفكار
ليش عنا مشكلة في احترام الأفكار؟ ليش عنا حالة استنفار مع أي أفكار أو مشاريع ممكن نسمع عنها في المجتمع؟
هل لازم كل الأفكار تكون على هوانا أو مقاسنا؟ ليش بنحط حالنا بموقف نحاكم كل شي؟
الفكرة أي فكرة ما دام ما بتمس معتقدك وبتتعلق بأمور الحياة ما بتخضع لقالب محدد ولا لشكل واحد، وما في فكرة صح مطلق أو خطأ مطلق.
احنا لازم نخاف ع الجيل الي بنربيه منا ومن سلوكنا، لأنه إذا بنربي الأطفال ع تسفيه وتحقير أفكار الناس؛ فإحنا بنجهزهم للعداء مع كل شي مخالف إلهم.
وبلزم ننتبه لخطابنا الي بعبر عنا لأنه مع الوقت بعمل ترسبات ذهنية وقلبية وسلوكية صعب التخلص منها.
ودمتمـ سالمين 