عام

أسماء جدّاتنا

Views: 500
قبل ما يخلص اليوم العالمي لللغة العربية 😃
ليش ستاتنا (جداتنا) كانت أسماؤهم عربية جميلة ذات معنى؟ ونادرًا ما نجد منهن ذات اسم شاذ بلا معنى؟!
رغم قلة التعليم وقتها، وانحصار وسائل التلقي لكن كانت الأسماء أكثر “عروبية”، فيها أصالة وجمال.
معقول كان الحياء يمنعهم من التسميات العجيبة؟ أو لأن وسائل التلقي محدودة؟
أتخيل أولادي بكرة يحكوا لي أسماء أصحابهم إمهم وستهم أسماء مثل بيلين ومارلين وجوان وميران وووو! 🤨
هلا الاسم لما يكون صاحبه غير مسلم عادي، لكن مسلم وعربي واسمه بلا معنى؟! لعمري هذا فوق استيعابي!
اسم بنتك ع اسم ممثلة والا بطلة مسلسل/فيلم ما بيعني رح تطلع بحلاتها، أو ابنك يطلع بحلاة هالممثل، بالآخر ما رح يظل الا فكرة “والله يما سميتك ع اسم بطل مسلسل!” ما شاء الله مع انعدام الانتماء لثقافتنا!
شوية اعتزاز بلغتك وثقافتك، وشوية غوص في المعاجم العربية رح تلاقي سيل من الأسماء الجميلة.
وخلينا نتقي ربنا بأسماء أولادنا ونتذكر إنه نوع من البر.
رأيي بالله ما حد يكتب لي شو دخلك بأسمائهم والا هم حرين! 😆
اللهم ارحمنا من هالغثاء المنتشر!
ودمتمـ بخير 🌺
Comments: 0

Your email address will not be published. Required fields are marked with *