تساؤلات على هامش قرار فصل طالب
[قررت جامعة فصل طالب سنة أكاديمية كاملة لقيامه بعمل مجموعات لحل أسئلة امتحانات الطلبة خلال الامتحان]
ما في مشكلة، الإجراء رادع، لأنه التصرف خطأ وينم عن فقدان لقيمة الأمانة العلمية، وطبعًا ممكن يكون هالشغل بمقابل مادي لأنه تجارة الواجبات والأبحاث والرسائل منتشرة كثير!! 
لكني أتساءل:
شو الإجراء الي بلزم تاخذه جامعة بحق أكاديمييها الي بشتروا الأسئلة من مواقع، أو حتى بجيبوها من جوجل نسخ ولصق؟والي بالنتيجة بروح الطالب بدفع رسوم لمواقع وبجيب الإجابات، وكل هذا كرمال عيون العلامة!! ولأنه المسألة تحدي بين الطالب والأستاذ!
شو المشكلة إنه الأستاذ يجيب أسئلة من شرحه بالمحاضرات يقيس فهم الطلاب حتى لو جابوا علامات عالية كلهم؟ (أو ما جابوا إذا ما كان شارح صح! ) وين المشكلة؟ ليش الطالب فاقد متعة التعلم والأستاذ فاقد متعة التعليم؟ما بنكر في أساتذة مبدعين فعلًا بخلوك تدعي لهم إنهم مروا بحياتك وكانوا جزء من مرحلة بتتمنى لو استمرت بوجودهم 
بس يا عمي العلامة ما بتغفر للأستاذ تصرفه ولا للطالب!
وأتمنى يصير في إجراءات لبقية التصرفات والمراكز الفاسدة الي بتعمل شغل الطلاب، وبتمنى الأهالي توعى لأنه مش المهم ابنك/بنتك يجيبوا علامة أو يتخرجوا، احنا أزمتنا في القِيَم.
وحياتنا بالقيم أحلى 