عام

حرية الانتخاب

Views: 430
نص في فيديو:
“مش فاهم كيف في إنسان عنده ضمير وعنده وطنية بدوش يشارك في الانتخابات”
هذا النص وأمثاله جريمة بشكل ما، كل إنسان يملك حرية القرار، حرية يسجل أو ما يسجل، وحرية يشارك أو ما يشارك.
الموضوع ما اله علاقة لا بالضمير ولا بالوطنية، كل أولاد البلد إلهم حقوق وعليهم واجبات، وبما أنه فش اشي بجبرهم يسجلوا إلا إنه يكون عندهم رغبة بالمشاركة والتغيير؛ فهذا يعني إنهم أحرار ومش أقل وطنية من غيرهم.
يا ريت ننتبه ونحضن الناس ونستوعب إنه الي صار بتاريخنا كله كلنا بلزم نتحمل مسؤوليته ونسعى لتغييره لكن مش بهالطريقة الإقصائية الفجة الي بتقسمنا عربين وثلاثة وأربعة!.
وبرجع أقول إنت حر، وإنتِ حرة، سجلت أو ما سجلت، وسجلت وقررت تنتخب أو قررت تقاطع أو قررت تغير رأيك، هذه الك.
Comments: 0

Your email address will not be published. Required fields are marked with *