فطور ع الضيق 😆

بلشت الإعدادات من 7 أو 8 الصبح، كل ناس حسب مهمتها.
وبلشت الأسيرات تمر ع غرفة 10 وهم بعملوا السلطة، ويقعدوا عندهم، وقلبت مَضافة. 🤩
وع الساكت زدنا كمية الفلافل والمقالي، وجمعنا كل الخبز المتوفر.
وعملنا هالساندويشات، والي ما حضرت بغرفة 10، وصلها الساندويش في غرفتها.
وبدل ما يكون فطور لـ4 غرف، صار فطور لـ11 غرفة، و52 أسيرة 😍

الحلو في الموضوع: 
ولا وحدة من المعزومات أشعرت أي أسيرة بإنه كان الفطور مخصص، ولا وحدة عبرت عن الفكرة.

وهيك كثير من الأفكار كانت تتدحرج ويعم خيرها وحلاوتها الجميع.
عشان الخير بِلِم، وفي الحياة الجماعية الامتياز صعب، والاندماج أساس 🙂

والله يرحم هالذكرى الي كانت من أواخر الذكريات قبل دمجنا بالفورة مع بعض، وقبل الوصول لاتفاق يحل إشكاليات عدم التوافق.

ودمتمـ بخير 🌺