ذكرى ع الماشي 🍁
متل هالأربعا العام الماضي بتاريخ 10.10 كانت تالت محكمة الي 
.. نزلت برفقة سونيا الحموري والأسيرة فوزية قنديل ببوسطة وحدة .. والبوسطة التانية الي نصيبهم يجوا مع أسيرات الدامون كانت لمى خاطر مع إم ميزر جبارين الي أخذت إفراج .. ومن الدامون كانت سوزان العويوي وبيان فرعون، وللأسف البوسطة الأولى ما التقوا بالتانية الي قعدوا بزنزانة جنبنا بعوفر 😁
كانت المرة الأولى الي بسمع صوت بيان فيه واستغربت إنها قوية ومش مهتمة “للنحشون” وصتني من ورا الباب بصوت عالي أخبر أهلها إنها نزلت محكمة بالغلط، وما شا الله ما أكثر النزلات بالغلط .. لعنة الله عليهم.
وفي هاليوم نقلوا خالتو سائدة بدر ع الدامون وهي كانت بغرفتي وما شفتها وحسيت روحي طلعت، بحبها شو أعمل؟ 😍🌺
وأتوقع لما روحت كانت غرفتنا رقم 7 بالشارون طابخة عدس وأمور أخرى، كان بالغرفة 💐 دينا السعيد وصفاء أبو حسين وأمل طقاطقة وفداء دعمس ونسرين أبو كميل.
قضينا الوقت بزنزانة عوفر ننتظر المحكمة واحنا نغني أو نلعب حزازير أو نمشي أو نرد ع الزنازين الي جنبنا وطبعا نصلي 🙂
بوسطة الشارون كانت تمر ع الرملة لهيك كانت دمار 😔
لكن علاقتي بالبوسطة بدها شرح لأنه التجربة مختلفة 🙃
والله غالب على أمره ولكن أكثر الناس لا يعلمون
