فصل النت!

عدد المشاهدات: 132

لما فعلًا بتفقد الأمل باتصال بإنترنت بتلاقي حالك ركزت بأفكارك وشغلك الي بين ايديك، يعني إنجاز أكبر وإنتاج أكثر، بس مش دايما 🙃
طيب شو بلزم حتى الإنسان من نفسه يحدد ساعة دخول للنت وما يظل النت مسيطر ع تفاصيل حياته؟

الجوجلة مش الحل، وجروب الفيسبوك مش الحل، إنت الحل، حرر نفسك من الارتباط الذهني، حرر إرادتك، حرر قدرتك من قيد الكسل.
كيف؟

أول شي: عود نفسك التفكير، حفز ذهنك، تخيل حلول لكل شي بتفكر فيه قبل الجوجلة  إنت برضو عندك قدرات بس البحث السريع عودنا الكسل والاتكال.

ثاني شي: خلي عندك خيارات كتيرة للإجابة ع تساؤلاتك وعمليات بحثك، أهلك، أصحابك، باتصال مش ببرامج محادثة، كتب ومراجع بالمجالات الي بتهتم فيها أكتر وخليها بمكتبة البيت أو مكتبتك الإلكترونية.

ثالث شي: احتياطًا دايما حمل المواد المهمة الي بتحتاج لها خلال الأسبوع مثلًا: مرجع، مقال، صوت، ضمن اهتمامك وبرنامجك الأسبوعي لأنه ممكن فجأة ينقطع الاتصال ولا ينفع الندم 

رابع شي: خطط بديلة .. أيوا مثلًأ لما ينقطع النت إذا ما عملت كذا رح أنجز كذا، وكمان بديل للخطة البديلة، لذلك خلي التزامات ورقية في متناول اليد.

خامس شي: درب نفسك ع الحرمان، والفقد، وإنك ترجع لأدوات بدائية ربما، ابتعدت عن النت قصريًا 10 شهور وهذا عودني إنه ممكن حياتي تمشي وأركز فيها بأمور برضو تساهم برفع كفاءتي مش مرتبطة بجوجل بالمرة ولا بالمجتمعات الإلكترونية عمومًا، لكن فقط الي بيلزم هو مرجع، مثلا كان ينقصني تفسير للقرآن فحرصت على إدخال مصحفي مع تفسير وانتهت كل مشاكلي، وهيك بكل الأمور.

نفس الشي واجهته لما فيسبوك حذف حسابي الأول بعد 8 سنوات على إنشائه 😢تجربة علمتني أزهد بالرفاهية المتوفرة وأبحث عن بدائل أكثر إنسانية وفيها تواصل أكبر.

سادس شي: تحدى نفسك وحدد وقت للنت والتواصل ووقت آخر لنفسك ولعقلك ولأهلك وشؤونك الأخرى.
علمًا قبل الاعتقال كنت ماهرة في تحدي نفسي بمسألة الإنترنت والوقت ولكن الجوجلة …. 😇
كل شي بأول أيام صعب وبعدها بيصير عادة.

النت فصل من صباح الأربعا حتى عصر الخميس، ورجعت لقيت إيقاع الحياة جميل، والحياة ممكنة بدونه، خـــــاصة ولست أستعمل خدمة 3G أو 4G  .

في وجه ثاني للموضوع متعلق بشركات الاتصالات وخدمات الإنترنت وجوال لكن لمرة ثانية إن شاء الله.

وأسعد الله أوقاتكم بكل خير 🌺

التعاليق: 0

لن يتم نشر بريدك الالكتروني, الحقول المشار اليها بـ * مطلوبة.