كلمة بدون زعل

في موضوع نشر صور الأكل بتوقع عشان ما نناقض أنفسنا فإنه مطالبتنا بعدم النشر مراعاة للآخرين لازم تنسحب ع كل الأمور الثانية.

اليوم ما تنشروا أكل عشان في ناس ما بتقدر تعمل.

ونشر صور الأولاد؟ والمباهاة فيهم؟ ما هو في ناس ما رزقت بأولاد! ليه ما نحس فيهم؟

ومنشورات الأزواج الغزلية؟ ما هو في ناس عزابية كثير، ليه ما ناخذهم بالبال؟

والتعليقات المليئة بالتلميحات البايخة! ليه ما ناخذ بالبال إنه في ناس ميزان الحياء عندها عالي؟

في كل بقعة في العالم، كل شخص منا عنده ع حسابه أصدقاء من أماكن تعاني الظلم، سوريا واليمن وليبيا وغيرهم، بالتالي بلزم التخفف من كثير شغلات بنمارسها ع الفيس

الي بدي أقوله .. هذا حياة الاختلاف فيها في السلوك والذوقيات والخيارات يتعدد بعددنا، تخيلوا!

ممكن كل واحد يغير من جهته، بالنهاية الي بلاقيش تفاعل مع منشوره ممكن ينتبه ويغير من حاله، الاستنكار العام ما بكفي، ممكن تنصح الشخص بشكل مباشر لو هلقد بعني لك.

وإذا شايفين إنه بس موضوع الأكل الي بضايق وبستفز؛ فيا جماعة في خيار إخفاء المنشور أو منشورات لفترة شهر مثلًا، وخيار إلغاء المتابعة، وخيار إلغاء الصداقة، فالي بتضايق يغض بصره عن المتابعة باستخدام واحدة من الخيارات المتوفرة.

وع فكرة كمية القرف في الفيسبوك تتجاوز مسألة الأكل والاهتمامات التافهة لو بدنا نركز معه يعني

ودمتمـ سالمين