ملاحظة – سلوك الناس

سلوك حظر الناس لأنهم مش ع هوانا، أو حذفهم من القائمة لأنه تعرضوا لاعتقال عند الاحتلال؛ كان قبل السجن يشعرني بالقرف من الي بعملوه.

لكن بعد الترويحة صرت متصالحة مع هالسلوك وبفهم معنى ناس تحذفك أو تخاف تعمل لك إعجاب أو تعلق أو حتى ما بتحب تشوف حسابك لشيء في نفسها.

كل واحد عنده أمراضه وأفكاره .. والي بحذفك بريحك مش بريح راسه، وبريح نفسيته

أما حذف الناس غير المؤدبة وغيره فأنا معاه ع طول، وكمان إذا حدا بحرك في نفسك شعور بالنقص أو الدونية أو الغيرة أو الحسد مش غلط تعمل له إلغاء متابعة أو حجب أو حذف، المهم سلامة القلب.

فشكرًا للي حذفونا وللي غادرونا وللي شرفونا

هيك الدنيا سهلة بسيطة والله يعين كل واحد ع حاله.

ودمتم بخير